Milanning "Inter" klubiga tegishli bo‘lgan eronlik hujumchi Mehdi Taremi Yevropaning ikki klubi qiziqishlari doirasida bo‘lib turibdi. Bu haqda insayder Ekrem Konur ijtimoiy tarmoqlar orqali xabar bermoqda.
Manbaga ko‘ra, forvardga Istanbulning "Beshiktosh" va Londonning "Fulxem" klublari qiziqish bildirmoqda. Ikkala da’vogar ham allaqachon Italiya grandi rahbariyati bilan muzokaralarga kirishgan.
O‘tgan mavsumda Taremi "neradzurrilar" safida 26 ta o‘yinda qatnashib, 1 ta gol va 2 ta golli uzatmani o‘z hisobiga yozdirib qo‘ydi. 32 yoshli eronlikning transfer narxi 3,5 million yevroga baholanmoqda, uning "Inter" bilan mehnat shartnomasi 2027 yilning iyun oyi oxirida o‘z nihoyasiga yetadi.
