Миланнинг "Интер" клубига тегишли бўлган эронлик ҳужумчи Меҳди Тареми Европанинг икки клуби қизиқишлари доирасида бўлиб турибди. Бу ҳақда инсайдер Экрем Конур ижтимоий тармоқлар орқали хабар бермоқда.
Манбага кўра, форвардга Истанбулнинг "Бешиктош" ва Лондоннинг "Фулхэм" клублари қизиқиш билдирмоқда. Иккала даъвогар ҳам аллақачон Италия гранди раҳбарияти билан музокараларга киришган.
Ўтган мавсумда Тареми "нерадзуррилар" сафида 26 та ўйинда қатнашиб, 1 та гол ва 2 та голли узатмани ўз ҳисобига ёздириб қўйди. 32 ёшли эронликнинг трансфер нархи 3,5 миллион еврога баҳоланмоқда, унинг "Интер" билан меҳнат шартномаси 2027 йилнинг июнь ойи охирида ўз ниҳоясига етади.
