Taniqli markaziy hujumchi Edin Jeko "Fiorentina"ga o‘tishi haqida fikr bildirdi. 39 yoshli bosniyalikning transferi bir necha kun oldin e’lon qilingan edi.
"Birinchi soatlar juda yoqimli va o‘ziga xos bo‘ldi, chunki men yangi jamoadoshlarim va klub xodimlari bilan tanishdim. A Seriyaga qaytganimdan xursandman. Bunday go‘zal shaharda va nufuzli klubda o‘ynash men uchun sharaf," - deya hujumchining so‘zlarini keltiradi Sky Sport Italia.
2024/2025 yilgi mavsumda Jeko Istanbulning "Fenerbahche" klubida o‘ynagan. Hujumchi "kanareykalar"ning 53 ta o‘yinida qatnashib, 21 ta gol va sakkizta assistni o‘z hisobiga yozdirib qo‘ygan.













