Таниқли марказий ҳужумчи Эдин Жеко "Фиорентина"га ўтиши ҳақида фикр билдирди. 39 ёшли боснияликнинг трансфери бир неча кун олдин эълон қилинган эди.

"Биринчи соатлар жуда ёқимли ва ўзига хос бўлди, чунки мен янги жамоадошларим ва клуб ходимлари билан танишдим. А Серияга қайтганимдан хурсандман. Бундай гўзал шаҳарда ва нуфузли клубда ўйнаш мен учун шараф," - дея ҳужумчининг сўзларини келтиради Sky Sport Italia.

2024/2025 йилги мавсумда Жеко Истанбулнинг "Фенербаҳче" клубида ўйнаган. Ҳужумчи "канарейкалар"нинг 53 та ўйинида қатнашиб, 21 та гол ва саккизта ассистни ўз ҳисобига ёздириб қўйган.