"Barselona"ning yangi a’zosi Runi Bardji mavsumoldi yig‘iniga asosiy jamoa bilan birga boradi. Bu haqda Diario Sport xabar bermoqda.

Manbaga ko‘ra, 19 yoshli vinger yig‘inda o‘zini ko‘rsata olsa, yangi mavsumga "Barselona" asosiy jamoasi bilan kirib kelishi mumkin.

Eslatib o‘tamiz, avvalroq "Barselona" Bardji Daniyaning "Kopengagen" klubidan transfer qilinganini rasman e’lon qilgandi. Mish-mishlarga ko‘ra, yosh iqtidorni sotib olish kataloniyaliklarga ikki million yevroga tushgan.

Ispaniya chempionatining yangi mavsumi avgust oyi o‘rtalarida start olishi rejalashtirilgan. Birinchi turda "ko‘k-anorranglilar" safarda "Malyorka" (16 avgust) mehmoni bo‘ladi.