"Барселона"нинг янги аъзоси Руни Барджи мавсумолди йиғинига асосий жамоа билан бирга боради. Бу ҳақда Diario Sport хабар бермоқда.
Манбага кўра, 19 ёшли вингер йиғинда ўзини кўрсата олса, янги мавсумга "Барселона" асосий жамоаси билан кириб келиши мумкин.
Эслатиб ўтамиз, аввалроқ "Барселона" Барджи Даниянинг "Копенгаген" клубидан трансфер қилинганини расман эълон қилганди. Миш-мишларга кўра, ёш иқтидорни сотиб олиш каталонияликларга икки миллион еврога тушган.
Испания чемпионатининг янги мавсуми август ойи ўрталарида старт олиши режалаштирилган. Биринчи турда "кўк-анорранглилар" сафарда "Мальорка" (16 август) меҳмони бўлади.
