"Barselona" vingeri Lamin Yamalning 18 yoshga to‘lgan tug‘ilgan kuni nafaqat OAVdagi mojarolar, balki vandalizm bilan ham o‘tdi.

Yakshanba kuni Barselonada yosh futbolchi Supermen qiyofasida tasvirlangan va "Iroda kuchli bo‘lsa, to‘siqlar kichik bo‘ladi" yozuvi tushirilgan devoriy surat chizildi. Asar muallifi taniqli ko‘cha rassomi TVBoy edi.

Biroq, bir necha kundan keyin graffiti bo‘yab tashlandi. Ispaniya matbuoti xabarlariga ko‘ra, noma’lum shaxslar rasm ustiga bo‘yoq sepib, devorga vandalistik yozuvlar va teglar qoldirishgan. Bu voqea ijtimoiy tarmoqlarda muhokamalar to‘lqiniga sabab bo‘ldi va so‘nggi kunlarda jamoatchilikning Yamalga nisbatan noaniq munosabati ramziga aylandi.

Ommaviy axborot vositalarida uning mitti odamlar bilan ziyofatda ishtirok etgani haqidagi xabarlari va model Klaudiya Kalvoning ma’lum bir ko‘rinishdagi sarg‘ish sochlarni topish iltimosiga binoan tadbirga taklif qilinganini da’vo qilganidan so‘ng, norozilik kuchaydi. Futbolchining o‘zi va "Barselona" hozircha voqealarga izoh berishmagan.