"Барселона" вингери Ламин Ямалнинг 18 ёшга тўлган туғилган куни нафақат ОАВдаги можаролар, балки вандализм билан ҳам ўтди.

Якшанба куни Барселонада ёш футболчи Супермен қиёфасида тасвирланган ва "Ирода кучли бўлса, тўсиқлар кичик бўлади" ёзуви туширилган деворий сурат чизилди. Асар муаллифи таниқли кўча рассоми TVBoy эди.

Бироқ, бир неча кундан кейин граффити бўяб ташланди. Испания матбуоти хабарларига кўра, номаълум шахслар расм устига бўёқ сепиб, деворга вандалистик ёзувлар ва теглар қолдиришган. Бу воқеа ижтимоий тармоқларда муҳокамалар тўлқинига сабаб бўлди ва сўнгги кунларда жамоатчиликнинг Ямалга нисбатан ноаниқ муносабати рамзига айланди.

Оммавий ахборот воситаларида унинг митти одамлар билан зиёфатда иштирок этгани ҳақидаги хабарлари ва модель Клаудия Кальвонинг маълум бир кўринишдаги сарғиш сочларни топиш илтимосига биноан тадбирга таклиф қилинганини даъво қилганидан сўнг, норозилик кучайди. Футболчининг ўзи ва "Барселона" ҳозирча воқеаларга изоҳ беришмаган.