"Alaves" "Real" tarbiyalanuvchisi Yussef Enrikesni o‘z safiga qo‘shib oldi.

19 yoshli himoyachining shartnomasi 2029 yilning iyunigacha mo‘ljallangan.

Defence Central xabariga ko‘ra, madridliklar futbolchining 50% huquqi uchun 3 mln yevro olgan. Bundan tashqari, "qaymoqranglilar" keyingi ikki mavsum davomida qayta sotib olish huquqini saqlab qoladi.

Enrikes o‘tgan mavsumda "Kastilya"ning asosiy futbolchisiga aylanguniga qadar "Real"ning barcha yoshlar jamoalarida o‘ynagan. U o‘rinbosarlar jamoasida jami 35 ta o‘yinda maydonga tushib, 1 ta gol urgan va 4 ta golli uzatmani amalga oshirgan. Shuningdek, futbolchi La Liga va Chempionlar Ligasida bir necha bor madridliklarning asosiy jamoasi qaydnomasiga kiritilgan.

Bundan tashqari, himoyachi Marokashning 20 yoshgacha bo‘lgan terma jamoasida o‘ynagan va 18 yoshida asosiy jamoaga chaqirilgan.