"Barselona" hujumchisi Lamin Yamal tug‘ilgan kunining 18 yilligini nishonlash bilan bog‘liq janjal haqidagi savolga javob berar ekan, hayotdan zavqlanayotganini aytdi.
13 iyul kuni Yamal o‘zining 18 yoshini nishonladi. Balog‘atga yetishi munosabati bilan forvard bayram uyushtirdi, uning ko‘ngilochar dasturida mitti san’atkorlar ishtirok etdi. Shundan so‘ng, Axondroplaziya va mitti bo‘lgan boshqa skelet displaziyalari bilan og‘rigan odamlar uyushmasi (ADEE) mitti odamlarning ushbu hodisaga aralashishini qoraladi. O‘z navbatida, Ispaniya ijtimoiy huquqlar vazirligi prokuraturadan Yamal bo‘yicha tergov o‘tkazishni so‘ragan.
- "Men "Barselona"da ishlayman, "Barselona"da o‘ynayman, ammo maydon tashqarisida bo‘lsam, hayotdan zavqlanaman, hammasi shu", - dedi Yamal Mundo Deportivo bilan suhbatda.
18 yoshli futbolchining "Barselona" bilan shartnomasi 2031 yilgacha mo‘ljallangan. Yangi mavsum boshlanishidan oldin Yamal 10-raqamni oldi.
