"Барселона" ҳужумчиси Ламин Ямал туғилган кунининг 18 йиллигини нишонлаш билан боғлиқ жанжал ҳақидаги саволга жавоб берар экан, ҳаётдан завқланаётганини айтди.
13 июль куни Ямал ўзининг 18 ёшини нишонлади. Балоғатга етиши муносабати билан форвард байрам уюштирди, унинг кўнгилочар дастурида митти санъаткорлар иштирок этди. Шундан сўнг, Ахондроплазия ва митти бўлган бошқа скелет дисплазиялари билан оғриган одамлар уюшмаси (ADEE) митти одамларнинг ушбу ҳодисага аралашишини қоралади. Ўз навбатида, Испания ижтимоий ҳуқуқлар вазирлиги прокуратурадан Ямал бўйича тергов ўтказишни сўраган.
- "Мен "Барселона"да ишлайман, "Барселона"да ўйнайман, аммо майдон ташқарисида бўлсам, ҳаётдан завқланаман, ҳаммаси шу", - деди Ямал Mundo Deportivo билан суҳбатда.
18 ёшли футболчининг "Барселона" билан шартномаси 2031 йилгача мўлжалланган. Янги мавсум бошланишидан олдин Ямал 10-рақамни олди.
