Hujumchi Viktor Osimxen "Galatasaroy"da o‘ynashni istamoqda, ammo turk klubi "Napoli" bilan nigeriyalik futbolchining transferi bo‘yicha kelishib olishi oson bo‘lmayapti. Darvoqe, hali hammasi to‘liq barbod bo‘lgani yo‘q. Nufuzli insayder Fabrisio Romanoning ijtimoiy tarmoqlarda ma’lum qilishicha, klublar o‘rtasidagi muzokaralar qayta tiklangan.
Qayd etilishicha, "Napoli" 26 yoshli Osimxenning transferi bo‘yicha "Galatasaroy"ga o‘zi taklif yuborgan.
Viktor Osimxen o‘tgan mavsum "Galatasaroy" safida ijara asosida to‘p tepgan edi. O‘tgan davr mobaynida nigeriyalik futbolchi 41 ta o‘yinda maydonga tushib, 37 ta gol urdi va sheriklariga 8 ta golli uzatmani amalga oshirdi.
