Ҳужумчи Виктор Осимхен "Галатасарой"да ўйнашни истамоқда, аммо турк клуби "Наполи" билан нигериялик футболчининг трансфери бўйича келишиб олиши осон бўлмаяпти. Дарвоқе, ҳали ҳаммаси тўлиқ барбод бўлгани йўқ. Нуфузли инсайдер Фабрицио Романонинг ижтимоий тармоқларда маълум қилишича, клублар ўртасидаги музокаралар қайта тикланган.
Қайд этилишича, "Наполи" 26 ёшли Осимхеннинг трансфери бўйича "Галатасарой"га ўзи таклиф юборган.
Виктор Осимхен ўтган мавсум "Галатасарой" сафида ижара асосида тўп тепган эди. Ўтган давр мобайнида нигериялик футболчи 41 та ўйинда майдонга тушиб, 37 та гол урди ва шерикларига 8 та голли узатмани амалга оширди.
