Angliyaning “Arsenal” va “Chelsi” jamoalari “Leypsig” hujumkor yarim himoyachisi Xavi Simonsni diqqat bilan kuzatmoqda.
Insayder Fabrisio Romanoning xabar berishicha, 22 yoshli futbolchi gemaniyaliklarni tark etishga tayyor. Futbolchining o‘zi ham APLda o‘ynash istagi borligini ma’lum qilgan.
Biroq futbolchiga yaqin manbalarning aytishicha, “Chelsi” va “Arsenal” unga rasmiy taklif bilan aloqaga chiqmagan. Simonsning “Leypsig” bilan amaldagi bitimi 2027 yilning o‘rtalariga qadar tuzilgan.
Transfermarkt portali bergan ma’lumotlarga ko‘ra, uning transfer bahosi 70 million yevroni tashkil etadi.













