"Brentford" hujumkor futbolchisi Brayan Mbeumo 19 iyul, shanba kuni "Manchester Yunayted" safiga o‘tishidan oldin tibbiy ko‘rikdan o‘tishi kerak. Bu haqda taniqli jurnalist Fabrisio Romano xabar bermoqda.
Ma’lumotlarga qaraganda, 25 yoshli kamerunlik futbolchi mankunianliklar bilan 2030 yilgacha mo‘ljallangan shartnoma imzolaydi va kelishuvda uni yana bir mavsumga uzaytirish imkoniyati ko‘rsatiladi. Avvalroq bitim summasi qat’iy belgilangan to‘lov sifatida 75,4 mln yevroga yetishi, shuningdek, qo‘shimcha yetti million bonus to‘lovlari ko‘rinishida to‘lanishi mumkinligi ma’lum qilingandi.
2024/25 yilgi mavsumda forvard "Brentford" safida barcha musobaqalarda 42 ta o‘yinda maydonga tushib, 20 ta gol urgan va to‘qqizta golli uzatmani amalga oshirgan.
