"RB Leypsig" futbolchisi Xavi Simons tez orada Angliya chempionatiga ko‘chib o‘tishi mumkin - yarim himoyachiga APLning uchta klubi qiziqish bildirmoqda. Bu haqda Caught Offside xabar bermoqda.
Manbaga ko‘ra, "Arsenal," "Tottenxem" va "Chelsi" jamoalari Simonsning vakillari bilan muzokaralarni boshlagan. Taxminiy transfer summasi - 60 mln yevro. Futbolchining o‘zi faoliyatini Angliyada davom ettirishga tayyor.
O‘tgan mavsumda niderlandiyalik xavbek "RB Leypsig" safida 33 ta o‘yinda maydonga tushib, 11 ta gol urdi va 8 ta golli uzatmani amalga oshirdi. Simonsning nemis klubi bilan amaldagi shartnomasi ikki yildan so‘ng yakuniga yetadi. Transfermarkt talqiniga ko‘ra, futbolchining narxi - 70 mln yevro.
