Londonning "Arsenal" klubi va Lissabonning "Sporting" klubi o‘rtasida hujumchi Viktor Dyokeresh borasida olib borilgan muzokaralarda qiyinchiliklar yuzaga keldi.
Hafta boshida turli ma’lum manbalar shvedning "to‘pchilar" qarorgohiga o‘tishi deyarli amalga oshgani haqida xabar berishdi, ammo hammasi unchalik oson bo‘lib chiqmadi. Maisfutebol nashrining yangilangan ma’lumotlariga ko‘ra, muzokaralar butunlay to‘xtab qolgan. Vaziyat shu darajada chigallashdi va murakkablashdiki, o‘yinchining otasi muzokaralarda hech qanday siljish bo‘lmagani uchun yig‘lab yubordi. Portugaliya klubi bu borada o‘z fikrida qat’iy turib, yon bermoqchi emas.
Eslatib o‘tamiz, Viktor Dyokereshning "Arsenal"ga transferi 63,5 mln yevro va 10 mln bonusga teng bo‘lishi kerak edi. 27 yoshli forvard allaqachon transferga rozilik bergan.
