Лондоннинг "Арсенал" клуби ва Лиссабоннинг "Спортинг" клуби ўртасида ҳужумчи Виктор Дьёкереш борасида олиб борилган музокараларда қийинчиликлар юзага келди.
Ҳафта бошида турли маълум манбалар шведнинг "тўпчилар" қароргоҳига ўтиши деярли амалга ошгани ҳақида хабар беришди, аммо ҳаммаси унчалик осон бўлиб чиқмади. Maisfutebol нашрининг янгиланган маълумотларига кўра, музокаралар бутунлай тўхтаб қолган. Вазият шу даражада чигаллашди ва мураккаблашдики, ўйинчининг отаси музокараларда ҳеч қандай силжиш бўлмагани учун йиғлаб юборди. Португалия клуби бу борада ўз фикрида қатъий туриб, ён бермоқчи эмас.
Эслатиб ўтамиз, Виктор Дьёкерешнинг "Арсенал"га трансфери 63,5 млн евро ва 10 млн бонусга тенг бўлиши керак эди. 27 ёшли форвард аллақачон трансферга розилик берган.
