"Barselona" "Manchester Yunayted" vingeri Markus Reshfordni olib kelishga tayyorgarlik ko‘rmoqda. Agar kutilmagan holat yuz bermasa, yaqin kunlarda Kataloniya klubi inglizning ijarasi haqida e’lon qiladi. Xabaringiz bor, "ko‘k-anorranglilar" jamoasi bosh murabbiyi Xans-Diter Flik kelishuvni ma’qulladi, germaniyalik mutaxassis yangi keladigan futbolchini asosiy tarkib o‘yinchisi sifatida ko‘rmayapti, deya xabar bermoqda Diario Sport. Germaniyalik murabbiyning fikricha, 27 yoshli futbolchi o‘yinlar davomida zaxiradan maydonga tushib, katta foyda keltirishi mumkin.
Joriy yilning fevral oyidan may oyiga qadar Markus Reshford ijara asosida "Aston Villa" sharafini himoya qildi va Birmingem jamoasi safida 17 ta o‘yinda 4 ta gol va 6 ta golli uzatmaga mualliflik qildi.
