"Барселона" "Манчестер Юнайтед" вингери Маркус Рэшфордни олиб келишга тайёргарлик кўрмоқда. Агар кутилмаган ҳолат юз бермаса, яқин кунларда Каталония клуби инглизнинг ижараси ҳақида эълон қилади. Хабарингиз бор, "кўк-анорранглилар" жамоаси бош мураббийи Ханс-Дитер Флик келишувни маъқуллади, германиялик мутахассис янги келадиган футболчини асосий таркиб ўйинчиси сифатида кўрмаяпти, дея хабар бермоқда Diario Sport. Германиялик мураббийнинг фикрича, 27 ёшли футболчи ўйинлар давомида захирадан майдонга тушиб, катта фойда келтириши мумкин.

Жорий йилнинг февраль ойидан май ойига қадар Маркус Рэшфорд ижара асосида "Астон Вилла" шарафини ҳимоя қилди ва Бирмингем жамоаси сафида 17 та ўйинда 4 та гол ва 6 та голли узатмага муаллифлик қилди.