"Manchester Yunayted" tarkibni kuchaytirish ustida ishlashda davom etmoqda. A Bola nashri tarqatgan xabarga ko‘ra "qizil iblislar" "Arsenal"dan top hujumchi Viktor Dyokereshni tortib olishga yaqin turibdi.
Manbaga ko‘ra, "Yunayted" "Sporting" va "Arsenal" o‘rtasidagi muzokaralar boshi berk ko‘chaga kirib qolganidan foydalanishga qaror qilgan. "Qizil iblislar" "kanonirlar"ning 27 yoshli shvesiyalik futbolchi bo‘yicha taklifini sindirishga tayyor. Gap 80 million yevro haqida ketishi mumkin.
Viktor Dyokeresh o‘tgan mavsumda 52 ta o‘yinda 54 ta gol urgan. Avvalroq shved Ruben Amorim bilan ishlagan edi. Portugaliyalik murabbiy o‘tgan yilning kuzida "Manchester Yunayted"ga "Sporting"dan ko‘chib o‘tgan edi.
