"Nottingem Forest" "Bolonya"ning o‘ng qanot vingeri Dan Ndoyeni o‘z safiga qo‘shib olmoqchi, deya xabar bermoqda insayder Fabrisio Romano.
Manbaga ko‘ra, ingliz klubi 24 yoshli shveysariyalik futbolchining transferi bo‘yicha "Bolonya"ga ilk rasmiy taklifni bergan. U vinger pozisiyasiga asosiy transfer maqsadi hisoblanadi.
Ndoye allaqachon "Nottingem" loyihasiga rozilik bergan va endi klublar o‘rtasida muzokaralar boshlanadi. "Forest" ushbu transferni amalga oshirishga faol harakat qilmoqda.
Dan "Bolonya" safida 2023 yilning avgustidan buyon to‘p tepib kelmoqda. Uning shartnomasi 2027 yilning 30 iyuniga qadar imzolangan.
Ndoye o‘tgan mavsumda klub safida 41 ta o‘yinda 9 ta gol va 6 ta golli uzatmaga mualliflik qilgan.













