"Ноттингем Форест" "Болонья"нинг ўнг қанот вингери Дан Ндойени ўз сафига қўшиб олмоқчи, дея хабар бермоқда инсайдер Фабрицио Романо.
Манбага кўра, инглиз клуби 24 ёшли швейцариялик футболчининг трансфери бўйича "Болонья"га илк расмий таклифни берган. У вингер позициясига асосий трансфер мақсади ҳисобланади.
Ндойе аллақачон "Ноттингем" лойиҳасига розилик берган ва энди клублар ўртасида музокаралар бошланади. "Форест" ушбу трансферни амалга оширишга фаол ҳаракат қилмоқда.
Дан "Болонья" сафида 2023 йилнинг августидан буён тўп тепиб келмоқда. Унинг шартномаси 2027 йилнинг 30 июнига қадар имзоланган.
Ндойе ўтган мавсумда клуб сафида 41 та ўйинда 9 та гол ва 6 та голли узатмага муаллифлик қилган.
