"Beshiktosh" klubi "Real"ning sobiq o‘ng qanot himoyachisi Lukas Vaskesni o‘z safiga qo‘shib olmoqchi, deb yozadi AS.
34 yoshli ispaniyalik futbolchi 2025 yilning 16 iyulida Madrid klubini erkin agent sifatida tark etdi.
O‘ng qanot himoyachisiga qiziqish bildirgan ilk klublardan biri "Beshiktosh" bo‘ldi.
"Qora burgutlar" vakillari allaqachon aloqaga chiqqan va Vaskesning Turkiyada o‘ynashga tayyorligi haqida ma’lumot so‘ragan. Hozirda ispaniyalik oilasi va agenti bilan birga taklif haqida o‘ylamoqda.
Vaskes "Real" safida 2007 yildan buyon to‘p tepib kelayotgan edi. U jamoa safida 402 ta o‘yinda maydonga tushgan.













