"Бешиктош" клуби "Реал"нинг собиқ ўнг қанот ҳимоячиси Лукас Васкесни ўз сафига қўшиб олмоқчи, деб ёзади AS.
34 ёшли испаниялик футболчи 2025 йилнинг 16 июлида Мадрид клубини эркин агент сифатида тарк этди.
Ўнг қанот ҳимоячисига қизиқиш билдирган илк клублардан бири "Бешиктош" бўлди.
"Қора бургутлар" вакиллари аллақачон алоқага чиққан ва Васкеснинг Туркияда ўйнашга тайёрлиги ҳақида маълумот сўраган. Ҳозирда испаниялик оиласи ва агенти билан бирга таклиф ҳақида ўйламоқда.
Васкес "Реал" сафида 2007 йилдан буён тўп тепиб келаётган эди. У жамоа сафида 402 та ўйинда майдонга тушган.













