Londonning "Arsenal" klubi bosh murabbiyi Mikel Arteta yarim himoyachi Martin Subimendi bilan shartnoma imzolash bo‘yicha fikrlari bilan o‘rtoqlashdi.
"Kanonirlar" ispaniyalik futbolchini "Real Sosyedad"dan sotib olganini iyul oyi boshida e’lon qilgandi. Xavbekning London grandi safiga o‘tishi haqidagi gap-so‘zlar 2024/25 yilgi mavsum davomida ham bo‘lgandi. Futbolchiga Madridning "Real" klubi ham da’vogarlik qilgandi.
"Bu juda uzoq davom etgan jarayon. Martin nima xohlashini o‘ylab ko‘rish uchun yetarlicha vaqtga ega edi. Yaxshiyamki, "Arsenal" - ajoyib klub, shuning uchun hamma bu yerda o‘ynashni xohlaydi. Bu transfer uchun u boshqa ajoyib imkoniyatlardan voz kechdi. Biz Subimendining ishidan juda ta’sirlandik - u allaqachon jamoa uchun qanchalik foydali bo‘lishi mumkinligini ko‘rsatdi. Men bundan juda xursandman," - dedi Arteta intervyusida.
Martin Subimendining transfer narxi 70 mln yevroga baholanmoqda.
