"Chelsi" hujumchisi Nikolas Jekson yozda jamoasini o‘zgartirishi mumkin. 24 yoshli senegallikka qiziqish bildirayotgan klublar orasida Premyer-liganing boshqa vakillari - "Manchester Yunayted" va "Aston Villa" ham bor.
Transfer News Live nashrining Sky Sports jurnalisti Kave Solxekolga tayanib xabar berishicha, "Chelsi" Jeksonni 80-100 million funtga (taxminan 92-115 million yevro) baholamoqda.
Qayd etilishicha, "Chelsi" mo‘ljal sifatida Ugo Ekitikening narxidan foydalanadi. "Liverpul" fransuz uchun 95 million yevro to‘lashi kutilmoqda (bonuslar bilan birga).
"Chelsi" safida 81 ta o‘yinda Nikolas Jekson 30 ta gol urdi va sheriklariga 12 ta golli uzatmani amalga oshirdi.
