"Челси" ҳужумчиси Николас Жексон ёзда жамоасини ўзгартириши мумкин. 24 ёшли сенегалликка қизиқиш билдираётган клублар орасида Премьер-лиганинг бошқа вакиллари - "Манчестер Юнайтед" ва "Астон Вилла" ҳам бор.
Transfer News Live нашрининг Sky Sports журналисти Каве Солхеколга таяниб хабар беришича, "Челси" Жексонни 80-100 миллион фунтга (тахминан 92-115 миллион евро) баҳоламоқда.
Қайд этилишича, "Челси" мўлжал сифатида Уго Экитикенинг нархидан фойдаланади. "Ливерпуль" француз учун 95 миллион евро тўлаши кутилмоқда (бонуслар билан бирга).
"Челси" сафида 81 та ўйинда Николас Жексон 30 та гол урди ва шерикларига 12 та голли узатмани амалга оширди.
