"Tottenxem" Kristian Romeroning kelajagi mavhumligini inobatga olib, himoya chizig‘ini kuchaytirishni rejalashtirmoqda. The Telegraph xabariga ko‘ra, londonliklar "Kristal Pelas" himoyachisi Mark Gexini kuzatib bormoqda.
"Shporlar" qishda Gexiga qiziqib qolgan va hatto "Pelas" rad etgan taklifni ham berishga ulgurgandi. Endi "Tottenxem" Angliya terma jamoasining 25 yoshli futbolchisi uchun yangi taklif yuborishi mumkin. Shu bilan birga, so‘nggi haftalar va oylarda Gexining "Liverpul"ga o‘tishi haqida xabarlar chiqdi.
Nufuzli Transfermarkt portali mutaxassislari Mark Gexini 45 million yevroga baholamoqda. Himoyachining "Kristal Pelas" bilan amaldagi shartnomasi 2026 yilning yarmigacha mo‘ljallangan.













