Milanning "Inter" klubi yarim himoyachisi Hoqon Chalxono‘g‘lining agenti yana ikki klub bilan muzokara o‘tkazadi.

Taxminlarga ko‘ra, 31 yoshli futbolchi yaqin kunlarda "neradzurrilar" safiga qaytadi va jamoa bilan mavsumga tayyorgarlikni boshlaydi, biroq xavbekning kelajagi mavhumligicha qolmoqda. Jurnalist Yag‘iz Sabunjuo‘g‘lining ma’lum qilishicha, dushanba kuni Chalxano‘g‘lining agenti Istanbulga yetib kelgan va u yerda tez orada mahalliy "Fenerbaxche" va "Galatasaroy" vakillari bilan uchrashadi. Har ikki turk grandining futbolchiga qiziqishi haqida avval ham bir necha bor xabar berilgandi.

Hoqonning potensial xaridorlari uchun muammo "Inter"ning talabi bo‘lib qolmoqda - taxminan 30 million yevro.