Миланнинг "Интер" клуби ярим ҳимоячиси Ҳоқон Чалхонўғлининг агенти яна икки клуб билан музокара ўтказади.

Тахминларга кўра, 31 ёшли футболчи яқин кунларда "нерадзуррилар" сафига қайтади ва жамоа билан мавсумга тайёргарликни бошлайди, бироқ хавбекнинг келажаги мавҳумлигича қолмоқда. Журналист Яғиз Сабунжуўғлининг маълум қилишича, душанба куни Чалханўғлининг агенти Истанбулга етиб келган ва у ерда тез орада маҳаллий "Фенербахче" ва "Галатасарой" вакиллари билан учрашади. Ҳар икки турк грандининг футболчига қизиқиши ҳақида аввал ҳам бир неча бор хабар берилганди.

Ҳоқоннинг потенциал харидорлари учун муаммо "Интер"нинг талаби бўлиб қолмоқда - тахминан 30 миллион евро.