AS xabariga ko‘ra, "Barselona" yarim himoyachisi Frenki de Yong Kataloniya klubi bilan shartnomani uzaytirish bo‘yicha murakkab muzokaralar fonida agenti Ali Dursun bilan xayrlashdi.
Endi "Barsa"da nostandart vaziyat yuzaga keldi - yangi shartnoma shartlarini muhokama qilish muzlatildi, chunki de Yongning hozirda rasmiy vakili yo‘q. Nashr ma’lumotlariga ko‘ra, niderlandiyalik futbolchining Niderlandiyada unga huquqiy masalalarda yordam beradigan shaxsiy advokati bor, ammo u FIFA lisenziyasiga ega emas va transferlar va shartnomalar bo‘yicha muzokaralarda qatnasha olmaydi. Shu tariqa, "Barselona" de Yong yangi agent topishini kutishiga to‘g‘ri keladi.
28 yoshli xavbek kataloniyaliklar safida 2019 yildan buyon to‘p tepib kelmoqda. O‘tgan mavsumda u "Barsa" safida barcha musobaqalarda 46 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
