"Manchester Yunayted" hujumchisi Rasmus Xyoylund Italiya grandlari e’tiboridan chetda qolmayapti.
"Yuventus" Dushan Vlaxovich bilan xayrlashib, uning o‘rniga yangi forvard sotib olishga umid qilmoqda. Corriere dello Sport nashri tarqatgan xabarga ko‘ra, ayni damda birinchi raqamli nomzod Xyoylund hisoblanadi. "Qizil iblislar" Italiyadan ko‘chib o‘tganidan keyin ishonchni oqlamagan daniyalik futbolchi bo‘yicha takliflarni ko‘rib chiqishga tayyor.
Eslatib o‘tamiz, ikki yil muqaddam "Manchester Yunayted" Rasmus Xyoylunni "Atalanta"dan qariyb 80 mln yevroga sotib olgan edi.
Yoz boshidan beri mankunianliklarning 22 yoshli futbolchisiga "Napoli" va Milanning "Inter" klublari ham qiziqish bildirmoqda.
