"Barselona" Madridning "Real" klubi vingeri Rodrigoga qiziqish bildirayotgan edi. Yaqinda Braziliya OAVda 24 yoshli futbolchining "ko‘k-anorranglilar" safiga o‘tishi mumkinligi haqida xabarlar tarqaldi. Insayder Fabrisio Romanoning ma’lum qilishicha, bu mish-mishlarning haqiqatga hech qanday aloqasi yo‘q - "Barselona" Rodrigoga murojaat qilmagan. Kataloniyaliklar vakillari bitim tuzishning umuman iloji yo‘qligini bilishadi.
Rodrigo uchun asosiy da’vogarlar sifatida Londonning "Arsenal" va "Bavariya" klublari ko‘rilmoqda, biroq hozircha transfer uchun harakatlar amalga oshirilmagan. Futbolchining o‘zi ham "Real"ni tark etish ishtiyoqida yongani yo‘q.
