23 yoshli fransiyalik hujumchi Yugo Ekitike tibbiy ko‘rikning asosiy qismini yakunladi va shu tariqa Angliyaning "Liverpul" klubiga o‘tish jarayonini yakunlashga yanada yaqinlashdi. Bu haqda jurnalist Fabrisio Romano o‘z ijtimoiy tarmoqlarida ma’lum qildi.
Manbaga ko‘ra, Germaniyaning "Ayntraxt" klubi futbolchisi bilan 6 yillik shartnoma imzolanadi. Avvalroq kelishuv 79,7 million yevroga tushishi, yana 11,5 million yevro bonus sifatida olinishi mumkinligi ma’lum bo‘lgandi.
2024 yildan buyon frankfurtliklar sharafini himoya qilib kelayotgan Ekitike o‘tgan mavsum klub miqyosida 48 ta o‘yinda maydonga tushib, 22 ta gol urgan va 12 ta golli uzatmani amalga oshirgan.
