"Lids" "Inter" hujumchisi Mehdi Taremini sotib olishi mumkin. Bu haqda La Gazzetta dello Sport nashri xabar bermoqda.

Manbaga ko‘ra, "Lids" rahbariyati avvalroq "Inter" tomonidan sotuvga qo‘yilgan eronlik forvardning xizmatlariga qiziqish bildirmoqda. Tez orada ingliz klubi "neradzurrilar" bilan muzokaralarni boshlashi mumkin.

Mish-mishlarga ko‘ra, Taremiga "Beshiktosh" va "Fulxem" ham qiziqish bildirmoqda. Futbolchining o‘zi avvalroq Angliya chempionatiga ko‘chib o‘tmoqchi ekanini aytgandi.

O‘tgan mavsumda 33 yoshli hujumchi 43 o‘yinda jamoasiga yordam bera oldi. Taremi "Inter" safida 3 ta gol va 9 ta golli uzatmani amalga oshirdi. Transfermarkt talqiniga ko‘ra, futbolchining narxi - 3,5 mln yevro.