"Udineze" darvozaboni Maduka Okoye 4 yillik diskvalifikasiyadan qutulib qoldi.
Eslatib o‘tamiz, nigeriyalik futbolchi 2024 yilning mart oyida "Lasio"ga qarshi o‘yinning 64-daqiqasida vaqtni cho‘zgani uchun ataylab sariq kartochka olganlikda gumon qilingan edi. Ogohlantirish uchun haddan tashqari ko‘p stavkalar qo‘yilgani xabar qilindi.
Voqeaga tikilgan pullar bo‘yicha 120 ming yevrodan ortiq mablag‘ to‘langan va bu mablag‘ning katta qismi Udine provinsiyasidagi bukmekerlik shoxobchalari orqali olingan. Darvozabon 4 yilga diskvalifikasiya qilinishi mumkin edi.
Jurnalist Janluka Di Marsioning xabar berishicha, Federal sud tinglov yakunlari bo‘yicha Okoyeni ikki oyga diskvalifikasiya qilish to‘g‘risida qaror chiqardi, bu 2025/2026 yilgi mavsum boshidan kuchga kiradi.













