"Удинезе" дарвозабони Мадука Окойе 4 йиллик дисквалификациядан қутулиб қолди.

Эслатиб ўтамиз, нигериялик футболчи 2024 йилнинг март ойида "Лацио"га қарши ўйиннинг 64-дақиқасида вақтни чўзгани учун атайлаб сариқ карточка олганликда гумон қилинган эди. Огоҳлантириш учун ҳаддан ташқари кўп ставкалар қўйилгани хабар қилинди.

Воқеага тикилган пуллар бўйича 120 минг евродан ортиқ маблағ тўланган ва бу маблағнинг катта қисми Удине провинциясидаги букмекерлик шохобчалари орқали олинган. Дарвозабон 4 йилга дисквалификация қилиниши мумкин эди.

Журналист Жанлука Ди Марционинг хабар беришича, Федерал суд тинглов якунлари бўйича Окойени икки ойга дисквалификация қилиш тўғрисида қарор чиқарди, бу 2025/2026 йилги мавсум бошидан кучга киради.