"Manchester Yunayted" xavbeki Kobbi Maynu "Tottenxem" e’tiboriga tushib qoldi.
"Qizil iblislar" o‘zlarining istiqbolli tarbiyalanuvchisi bilan yangi shartnoma bo‘yicha kelisha olmadi, shu sababli ommaviy axborot vositalarida vaqti-vaqti bilan futbolchining ketishi mumkinligi haqida mish-mishlar paydo bo‘ladi. Jurnalist Grem Beylining yozishicha, "Tottenxem" vaziyatni diqqat bilan kuzatib bormoqda. "Shporlar" mankunianliklar 20 yoshli yarim himoyachini shartnomani uzaytirishga ko‘ndira olmasa, uni o‘z safiga qo‘shib olishga urinib ko‘rishi mumkin.
Eslatib o‘tamiz, Kobbi Maynuning "Manchester Yunayted" bilan amaldagi mehnat shartnomasi 2027 yilgacha mo‘ljallangan bo‘lib, uni bir yilga uzaytirish imkoniyati mavjud. Transfermarkt ekspertlari angliyalikning narxini 50 mln yevroga baholamoqda.













