"Манчестер Юнайтед" хавбеки Кобби Майну "Тоттенхэм" эътиборига тушиб қолди.
"Қизил иблислар" ўзларининг истиқболли тарбияланувчиси билан янги шартнома бўйича келиша олмади, шу сабабли оммавий ахборот воситаларида вақти-вақти билан футболчининг кетиши мумкинлиги ҳақида миш-мишлар пайдо бўлади. Журналист Грем Бейлининг ёзишича, "Тоттенхэм" вазиятни диққат билан кузатиб бормоқда. "Шпорлар" манкунианликлар 20 ёшли ярим ҳимоячини шартномани узайтиришга кўндира олмаса, уни ўз сафига қўшиб олишга уриниб кўриши мумкин.
Эслатиб ўтамиз, Кобби Майнунинг "Манчестер Юнайтед" билан амалдаги меҳнат шартномаси 2027 йилгача мўлжалланган бўлиб, уни бир йилга узайтириш имконияти мавжуд. Transfermarkt экспертлари англияликнинг нархини 50 млн еврога баҳоламоқда.
