"Arsenal" Lissabonning "Sporting" klubi hujumchisi Viktor Dyokereshni o‘z safiga qo‘shib olganini e’lon qilishga tayyorlanmoqda.
Klublar o‘rtasidagi uzoq va mashaqqatli muzokaralar nihoyat yakuniga yetdi - kelishuvga erishildi, bu haqda yaqinda nufuzli manbalar xabar berdi. A Bola xabariga ko‘ra, agar rejalashtirilmagan hech narsa sodir bo‘lmasa, "kanonirlar" yulduz shvedning transferini bugun, payshanba kuni rasman e’lon qiladi.
"Arsenal" 27 yoshli forvard uchun 63,5 mln yevro to‘laydi, yana 10 mln "Sporting" bonuslar ko‘rinishida ishlab oladi. Futbolchining o‘zi allaqachon London grandi bilan kelishib qo‘ygan va transfer amalga oshishi uchun qo‘lidan kelgan barcha ishni qilgan.
