Londonning "Arsenal" klubi "Bavariya"dan yarim himoyachi Joau Palinyani sotib olmoqchi.
Insayderlar ma’lumotiga ko‘ra, "kanonirlar" iyun oyi o‘rtalaridayoq ushbu futbolchini o‘z safiga qo‘shib olmoqchi bo‘lgan, biroq o‘shanda tomonlar kelisha olmagan. Hozirda London klubi muzokaralarni qayta boshlashga tayyor. Qayd etilishicha, futbolchiga "Tottenxem" ham da’vogarlik qilmoqda.
O‘tgan mavsumda Palinya Bundesligada 17 ta o‘yinda maydonga tushib, birorta golda qatnashmadi.













