"PSJ" yozdayoq darvozabon Janluiji Donnarumma bilan xayrlashish imkoniyatini ko‘rib chiqmoqda.
L'Equipe nashrining xabar berishicha, klub rahbariyati erkin agent maqomida klubni tark etgan Kilian Mbappe bilan bo‘lgan vaziyatni takrorlamoqchi emas. 25 yoshli italiyalik posbonning parijliklar bilan shartnomasi 2026 yilning yoziga qadar mo‘ljallangan, biroq manba ma’lumotiga ko‘ra, futbolchi kelishuvni uzaytirish bo‘yicha takliflarni bir necha bor rad etgan. Bu "PSJ"ni kelajakda tovon pulisiz ketmaslik uchun uni sotish haqida o‘ylashga majbur qildi.
