Milanning "Inter" klubi hujumchi Ademola Lukman masalasida "Atalanta" bilan muzokara o‘tkazmoqda.

Futbolchi "neradzurrilar" safiga qo‘shilishga tayyor, ammo klublar o‘rtasida kelishuvga erishilmagan. Jurnalist Paskuale Guarroga ko‘ra, "Inter" nigeriyalik futbolchi uchun yaxshilangan taklif bilan chiqqan - bonuslar bilan birga 45 mln yevro. Avvalroq, "Atalanta" o‘z yulduzi uchun 50 mln yevro talab qilayotgani xabar qilingandi.

Ademola Lukman o‘tgan mavsumda 40 ta o‘yinda 20 ta gol va 7 ta golli uzatmaga mualliflik qilgan. 27 yoshli futbolchining bergamoliklar bilan amaldagi mehnat shartnomasi 2027 yilning yarmigacha mo‘ljallangan bo‘lib, uning Transfermarkt talqiniga ko‘ra, qiymati 60 mln yevroni tashkil etadi.