"Everton" "Bavariya" bilan chap qanot himoyachisi Adam Aznuni transfer qilishga kelishib oldi, deya xabar bermoqda insayder Fabrisio Romano.
Qayd etilishicha, klublar o‘zaro kelishuvga erishib, hujjatlar almashmoqda. Futbolchi kelishuvga rozi bo‘ldi.
Transfer summasi 9 mln yevro va bonuslar ko‘rinishida 3 mln yevroni tashkil etadi. Aznu keyingi 24-48 soat ichida tibbiy ko‘rikdan o‘tadi.
Adam 2022 yilning iyulidan beri "Bavariya" tarkibida. Uning shartnomasi 2027 yilning 30 iyuniga qadar mo‘ljallangan bo‘lib, Transfermarkt portali uni 4 mln yevroga baholamoqda.













