"Liverpul" futbolchisi Luis Dias Germaniyaga qo‘ndi. Jurnalist Kerri Xau xabariga ko‘ra, 28 yoshli vinger ayni damda Myunxen aeroportida bo‘lib turibdi. Bugun kolumbiyalik futbolchi transferni yakunlash uchun zarur bo‘lgan tibbiy ko‘rikdan o‘tadi va shundan so‘ng "Bavariya" bilan shartnoma imzolaydi.

Avval xabar qilinganidek, "Liverpul" Luis Diasni sotishdan taxminan 75 mln yevro ishlab oladi. Futbolchining Bundesliga grandi bilan shartnomasi 2029 yilning yozigacha mo‘ljallangan bo‘ladi.

Dias mersisaydliklar safida uch yarim yil to‘p tepdi. Futbolchi barcha musobaqalarda "qizillar" safida 148 ta o‘yinda 41 ta gol urgan va 23 ta golli uzatmani amalga oshirgan.