"Barselona" yarim himoyachisi Dani Olmo kataloniyaliklar va "Real"ning mavsumlar oralig‘idagi transfer siyosatini taqqoslab, jamoasining kuchayishi haqida gapirdi.
"Biz ham kuchayib, yaxshilandik. Barcha jamoalar transfer oynasida o‘zgarishlarni amalga oshiradi va ular kimni o‘z safiga qo‘shib olishayotgani bilan ishimiz yo‘q. Biz o‘zimizga e’tibor qaratishimiz kerak," - deya Olmoning so‘zlarini keltiradi Cadena Cope.
Ispaniyalikning so‘zlariga ko‘ra, "Barselona" prinsipial raqibidan ko‘ra yaxshiroq kuchaygan.
"Ko‘k-anorranglilar"ning eng shov-shuvli xaridi Markus Reshford bo‘ldi. U ijara asosida "Barselona"ga o‘tdi. Madridliklarga esa "Liverpul"dan Trent Aleksandr-Arnold, "Bornmut"dan Din Xyoysen, shuningdek, "Benfika"dan Alvaro Karreras qo‘shildi.
