Bugun Farg‘ona shahridagi “SAMO” sport majmuasida trampolin sport turi bo‘yicha kichik yoshdagi o‘g‘il-qizlar o‘rtasida Farg‘ona shahar 1-son sport maktabining ochiq birinchiligi musobaqasi bo‘lib o‘tdi.
Ushbu sport musobaqasi “Dolzarb 90 kun” tadbirlari doirasida, yoshlarning yozgi ta’til davridagi bo‘sh vaqtlarini mazmunli va foydali o‘tkazish, ularni sportga keng jalb qilish maqsadida tashkil etildi.
Musobaqada Farg‘ona, Marg‘ilon, Qo‘qon shaharlari hamda Quva va O‘zbekiston tumanlaridan jami 250 nafar 4 yoshdan 14 yoshgacha bo‘lgan iqtidorli yosh sportchilar o‘z mahoratlarini namoyish etdilar.
