Donnarumma Shevalye kelganidan keyin "PSJ"da qolsa, boshqa asosiy tarkibda maydonga tushmaydi.
Janluiji Donnarumma hozircha parijliklar bilan shartnomani uzaytirish borasida kelishib olgani yo‘q.
The Times jurnalisti Dankan Kaslsning yozishicha, poytaxt klubi italiyalik futbolchiga shartnomani oxirigacha qolib, erkin agent sifatida ketishiga imkon bermoqchi emas.
"PSJ" darvozabonni "Milan" bilan vaziyat takrorlanmasligi haqida ogohlantirdi va Lyuka Shevalyeni sotib olgandan keyin ketishga rozi bo‘lmasa, uni zaxira futbolchisiga aylantirish bilan tahdid qildi.
Ta’kidlanishicha, fransuz klubi "Chelsi" va, ehtimol, "Manchester Siti"dan taklif kutmoqda.
