Londonning "Arsenal" klubi yaqin kelajakda Gabriel Martinelli bilan xayrlashmoqchi emas.

So‘nggi oylarda braziliyalikni Saudiya Arabistoniga ketishi mumkinligi bilan bog‘lashmoqda. Jurnalist Ben Jeykobsning yozishicha, "kanonirlar" rahbariyati Martinelli uchun barcha da’vogarlarga, jumladan, "An-Nasr"ga ham futbolchi sotilmasligini, shuning uchun uni o‘z tomoniga og‘dirish hech qanday ma’noga ega emasligini tushuntirgan.

24 yoshli futbolchining "Arsenal" bilan amaldagi mehnat shartnomasi 2027 yilning yarmigacha mo‘ljallangan bo‘lib, shartnomani avtomatik ravishda yana bir yilga uzaytirish imkoniyatini o‘z ichiga oladi.